اليوم عاجل السعودية تطبيق رفع رسوم تجديد الاقامة من 2400 الي 6000 ريال شامل الضرائب

1. نعم يا بشر نحن نقرأ افضل منك يا بشري جيب مؤسسات لديها أكثر من 50% سعوديين هههههههههههه ضحكتني
   يابشري افهم هذه دمار للكل الصغير قبل الكبير هذه يشجع على الهروب من البلد الكثير من المسنثمرين و غلاء الأسعار في كل شى .. افهم يابشري

2. يقولك المؤوسسه اللي تزيد نسبة العماله السعوديه على الاجانب مايدفعون 6000 يدفعون 2400 اما المؤوسسه اللي تزيد نسبة الاجانب على السعوديين يدفعون 6000 لا تاخذون العنوان وتتركون المضمون اقروا وافهموا

3. احسن في ايش ؟ هل تعلم ان كل شى بيزيد في البلد كل شى بيرتفع ؟ ليش انت مو من اهل البلد ؟
   اللة على الفكر الناقص

4. النوخذه سلام كليم
   كليم سلام
   اوووووه
   كلام سليم 100%
   العالم صارت تنكر كل شي الا حب الدراهم

5. المتضرر اﻷول واﻷخير هو المواطن سوف يتم استحصال هذه المبالغ منه ﻷن العماله سوف ترفع التسعيره ولا تجد رقيب يردعها كما فعلوا عندما تم فرض التأمينات عليهم حصلوها من المواطن المغلوب على أمره ولا رايح يتأثر بها التاجر ولا العامل المواطن هو الضحية حسبنا الله ونعم الوكيل

6. احسن قرار شكرا وزير العمل

7. شكل الأجانب ما عجبهم الوضع …ارحل لبلدك ..اذا تحس انك مظلوم… وبس ريحنا. ..

8. وما من دأبه في الأرض إلا علی الله رزقها
   هذه القرارات ضدكم أذكروا كلامي والسلام

9. حسن ملافظك …حنا في رمضان. .. ما يعجبك أن ابن البلد يتوزع ..

   عجيبه…
   كلما زاد التحويل زادت ضريبة التحويل. .

10. ان شاءالله يحطون في السنة 24 الف انت المواطن دافع دافع أجل تبيهم يخلونك تجمع راتبك وتوفر منه وتروح تصرفه في النمساء ههههه??

11. اقول قم بس قم …هههه

12. عظ على شحم انت وإياهم كل ريال تحطم علي الدوله بطلعه من عيونك يال مواطن وين بتروح مني انا موصى اجيب فلوس حقي وحق الدوله ؟؟؟ تفهم ياطرل ولا متفهم

13. لا بعد اسحب الجنسية من السعوديين وعدها الأجانب. .
    شر البلية ما يضحك

14. يكفي كلمة هذول .. .هههههههه
    اصبر جايك ضريبة التحويل بعد..
    وحنا يا اهل البلد اللي يرفع السعر نقاطعه …

15. عندي مؤسسة تنضيف مجاري تشتغل عندي ب5000 ريال وتأمين صحي مرحبا بيك

16. رح تترحموا على ايام الملك عبد الله .. رحمة الله عليه ..

17. توقفت المشاريع … والشغل صار بالقطاره .. والوافدين يغادرون شوي شوي .. والكفيل بدفع ..

18. كان زمان يقولوا حرام تاخذ فلوس من العامل …

19. يقول الله عز وجل
    قل لن يصيبنا إلا ما كتبه الله لنا
    انا يمني مقيم بالسعودية
    وبخصوص.هذا القرار المفاجىء والله ماراح يتضرر فيه سوى المقيم بدرجه كبيره جدا ليش . لانه صاحب العمل اللي في المؤسسات راح يحمل الاجنبي رسوم مكتب العمل وخذوها مني
    والبنسبة لي انا اعمل مع شخص مايخاف الله ثلاثه سنوات ولا يعطيني رواتب واشتكيت فيه مكتب العمل ولا في فايده سوى اني اترحل او اتراضى معه
    واجدد اقامتي مع عائلتي باكثر من 8 الف ريال سنويا
    اما الان
    6000 مكتب العمل
    4800 تأمين اطفال x 4
    2500 تامين زوجه
    400 تامين الزوج
    750 تجديد اقامه

    أسألكم بالله من اين لي بهذا المبلغ سنويا علما
    هل اعمل مثل ماقال احد (نسرق) نتاجر بالممنوعات عشان نعيش

    على الاقل ياوزاره العمل والعمال ارحموا اصحاب العوائل
    لانهم يصرفون جميع رواتبهم على ايجارات وكهرباء وجوالات ومواد غذائية وزواجات ومدارس … الخ

20. بالله ياجماعة يعني بالعقل مطعم يقبل السعودي يجي يصلح رز او يقلي او يمسح ارضيه وزجاج ويكنس الارض ولو قبل كم بأعطيه وكم انا بيصفالي بعد هذا الشقى والتعب الله لا يوفقك ياحقباني ناس عايشه في نعيم ماهي حاسه في معانات المواطن حسبي الله ونعم الوكيل حسبي الله ونعم الوكيل حسبي الله ونعم الوكيل

21. اللي يقول خلي الاجنبي ينقلع والا يطير والله هذا الكلام لا يصح بتاتا لان الاجنبي هو من عمر البلد وعاش فيها اكثر منك ولم يحصل على الجنسية واللي يقول المليارات تطير من البلد لاحول ولا قوة الا بالله . ياخي مش من حقه والا كمان تبغى تاكل اللي ياخذه هو جاي للغربه ويمشي يبني له مستقبل في بلده
    خلينا نكون مثل الامارات وتكون قدوه لنا … رحمه الله على الشيخ زايد حين قال البلد هذه ما بنيت الا بيد الاجانب وهذه بلدهم الثاني شوفوا العمائر الشاهقة من ملاكها وشوفوا السياحة ما احلاها عندهم

    كل اللي نتمناه الغاء الشرط التعجيزي وايقاف الاستقدام نهائيا وراح تضبط البلد …. وشكرا

22. والله ما راح يدمرنا الا بكاء اهل الجشع انتم يا اصحاب المحلات، متوظف وظيفه حكوميه ولا تداوم الا متأخر والظهر يقالك باخذ عيالي من المدرسه ولا تشوفه، ياخي رووق ام امنا انت وياه من برابيسكم وهرطقتكم اللي مالها سنع، اجل بالله هذا كلام واحد عاقل من شاكلتكم جاي يقول واذا حولوا ١٠٠مليار وش دخلك فيهم ليش الحسد هذا ان دل دل على جهلك وتفكيرك السطحي، تبي تبتعد انت وياه من دفع ٦آلاف سنوياً وظف سعودي وانتهت المشكله بتقول ما راح يتوظف، ادفعله راتب زي الناس ويجيك اما مسألة انك تبي تربح وانت متربع مكانك والرجال يكرف براتب زي وجهك لا ما يصير، البلد ما راح يتطور ويزدهر الا بعد ما ندق اصحاب الفكر الفرعوني والجشع بقرارات يا يميلون لها او تتحمل ما يجيك من ضريبتها.
    الكفن مابه مخابي الله يستر عليكم وقفوا عبادة المال

23. حسبي الله ونعم الوكيل كلها تطلع من ظهر المواطن رفع رسوم الاقامة يرفع من اجر العامل بدل ٦٠٠٠بلسنة يرتفع دبل١٢٠٠٠واكثر حتخلو السعودي يشتغل نجار ولا حداد ولا بناء ولا ولا الخ ……وسعر متر البناء حيزيد ال٦٠٠٠هذول حيطلع بدلها ٦٠الف الاجنبي وكلها من ظهر المواطن وحيتحول بدل من ١٠٠مليار حيتحول ١٥٠مليار قرار فاشل فاشل فاشل في الاول وفي الاخير المواطن هو الي متضرر

24. سلام عليكم ورحمة الله

    قرار عشوائي وغير مدروس انا موظف لا عندي تجاره ولا عامل
    المضمار الأول المواطن الرواتب مثل ماهي والضريبة حطلعه
    الأجنبي او الشركات من ظهر المواطن الشفاه ادلال لا عير

25. لا حول ولا قوة الا بالله
    المتضرر فيها المواطن.
    غلا اسعار.

    المفترض يطبق على الشركات الكبيرة.

26. ان شاء الله ماراح يطبق هذا القرار لان هذا ظلم وافتراء على المساكين

27. حسبنا الله ونعم الوكيل

28. الله عندة كل خير

29. نقص نسبت العماله الوافده في السعوديه والشركات تزيد رواتب السعودين
    والله حرام اذا الوافد يتنعم في خيرها والمواطن يعاني وفر الراحه والسعاده
    حق السعودي الي هو ولد البلد فكرو الشوي

30. الرايح فيها المواطن
    ارفع التكلفة برفعها الاجنبي ع المواطن لانه ما بيدفع شئ اللي بيدفع صاحب المنشأه
    افهموها

31. لا ياجماعة وأزيدكم من الشعر بيت …
    المواطن بشكل خاص الشباب حول ٢٠ سنة لطالما انهم يحصلون ٢٠٠٠ ريال من الحكومة ويحصل من التعقيب وغيره من الخدمات الحكومية اللي يطلع يشتغل عليها في السنة مرة ماهو برايح يدور له وظيفة ووجع راس يعني المتضرر من هذا القرار المواطن ٩٠٪ المقيم ١٠٪ يعني عز الله رحنا فيها حنا أصحاب التجارات البسيطة المشكلة لا تقدر تشتكي لأحد وصوت المواطن مدفون في التراب

32. طيب انا عندي مطعم اشغل سعودية فيه وعطيهم ١٢٠٠
    زي العمال
    ولا أشغلهم عمال نظافة يرضون يعنى فين العقل في القرار هذا.

33. الله يوفق وزارة العمل احسن خلي الاجانب كلهم يمشون ع بلادهم ويستبدلوهم بأبناء الوطن الغالي العاطلين عن العمل بس بجد الله يرحمك يبو متعب ويرحم ابو فيصل بزمن الرخص بس ان شاء الله سلمان يرتب امورنا بس انتم كمواطنين لاتسكتون ارفعو اصواتكم للملك وتحياتي

34. انت عشان عندك وظيفة انا في الشهر بطلوع الروح يطلع ليه 4000 ريال في الشهر

35. حسبنا الله ونعم الوكيل وهذه القرارات كلها ضد المواطن والخسران فالاول والاخير انت عزيزي المواطن لان العامل الاجنبي من وين بيطلع الفلوس هذه الا كلها من ظهرك انت يالمواطن

36. المفروض يطبق هالقرار على الشركات الكبرى وليس المحلات .. لكي يكون النفع للمواطن من الجهتين .. خلو الناس تتوضف والاجانب ينقلعون .

37. الله يرحمك ياابو متعب. كنت نعم القائد

38. الله لا يوفق من جاب هذا القرار . العامل صار يفضل خروج نهائي ومستحيل يدفع المبلغ هذا لان دبي و غيرها صار العيش و العمل فيها افضل من دولة القرارات اللي ضد المواطن بطريقه ملفوفه
    انا صاحب محلات و قفلتها و فلست بسبب الرسوم الخياليه اللي ما فيه دخل يغطيها اصلاً .
    والله هذولا الوزاء يجبرون الواحد على تجارة السلاح و الا المخدرات لا وفقهم الله

39. تيري بيري علي الحراااام اني خارجً خروج نهاااائي
    الرزق بيد الله الخالق
    بلشتوناء بالقرارات الزفته
    افقرتوناء ونحناء في ام الفقر ڪيف لا زاد ع حده
    .
    .
    سلام اللۂ على الملك عبدالله
    الله يرحمك ياسيدي عبدالله
    رحلت ورحل الكرم معك ..

40. الزيادة على المحلات تعتبر زيادة على المواطنين في محلات ماتستحمل زيادة 100 ريال انتو كيف فاهمين وميف تتصرفون يعني نقفل محلاتنا ولا ايش تبغون
    زيادة رسوم زيادة ايجار العامل اكيد راح يطلب زيادة في الاجر
    وانا كصاحب محل راح ازياد سعر السلعه وهذا راح يكون من ظهر المواطن البسيط
    باختصار شديد تضغط مليون تاجر تضر 30 مليون مواطن

41. والله مافيه فايدة من مكتب العمل بس قرار كل سنة ويش العامل اللي بيطلع ملايين كل من ظهر الموطن ارحمونا ياوزراء كل يوم قرار ومجلس القهوة كل صباح مجلس الشورى أوأمر وتعليمات هذا اللي مبسوطين فيه واحد يقول زيدو الخبز ب ريالين والثاني رفع ضريبة سنوية للعامل بس مافيه شي جديد حسبي الله ونعم الوكيل

42. ينصر دينكم يالحكومة هذا الكلام السنع خلنا نتنفس ونشتغل مثل العالم والناس مو كل مانروح لمكان يقولون مافي و عندهم أجانب! لحد يقول مانشتغل ونقعد لا ترانا نشتغل أي شي ماعندنا مشاكل بس مافي فرص

43. ايش ذنب الشركات السعوديه لتدفع ضريبة خمول اليد العامله السعوديه التي في أكثر الأماكن تتقاضي الراتب وهي نائمه في البيت
    اليد العامله السعوديه تفتقر الكفائه في أكثر المرافق ولا تنسو أن المواطن السعودي قليل في ضمن العدد السكاني المطلوب وسياسة عدم منح الجنسيه ستضر بالمملكه على المدى البعيد.

44. الله لاوفقك لادنيا ولا اخره ياخقباني

45. حسبنا الله ونعم الوكيل الله يسامحك ياجحش العمل
    نحن من سيدفع هذه التكلفه ونقول لهذا الجاهل ان التحويلات سوف تزيد ياغبي لأن دخل العامل سوف يرتفع بفضل استغلال هذه الزياده ورفع اسعارهم في سوق العمل على حساب المواطن المضطهد
    طيب نقول هذا جاهل وغبي ولا يفهم !! مافيه احد يردعه
    والمفروض يسمون هذي الوزاره وزارة الجهل والجشع واذلال المواطن !!!

46. إنا لله وإنا إليه راجعون
    الحمدلله عندنا أجانب ليلصقون فيهم فشلهم الإداري و الفساد والتغطية على أشياء كبيرة وإلا كان لصقوها بأم المواطن
    إحنا من أغنى دول العالم ونفطنا يكفينا ويكفي مواطني المملكة لبعد 2050 وهناك آبار نغطية ممنوع استخراج النفط منها مغلقة تكفي أكثر من قرن ومايزال مئات الآبار لم تكتشف
    السؤال
    لماذا يريدون حرامننا من التمتع بنفطنا والتضييق علينا وارغامنا على دفع الضرائب وزيادة الأسعار ولايوجد مقابل أو تعويض؟

47. مايصير وزراء العمل قاعدين يشوفون بعين وحده فقط الواحد يضرب بالدبل والثري والفور من ميه الى ٢٤٠٠ ومن ٢٤٠٠ ٦٠٠٠ مايعقل هالاكلام والسكوت عنه

48. لاحول ولاقوة الابلله الخسران الاول والاخير حنا المواطنين
    العامل يبي يطلع ٦٠٠٠ من ظهورنا
    انالله وانا إليه راجعون

49. المقيم اللي بالسعودية من سنين ويعمل ويدخر فلوسه هنا من دون تحويل للخارج وش ذنبه يدفع هالمبلغ والقطاع الخاص اذا اجبر انه يطلع المبلغ هذا منه مين رح يحميه وخصوصا هو رح يتضرر اذا مادفع وعارض هل في قانون يحمي المقيم العامل من دفع الغرامات اذا اجبره كفيله ؟؟

50. الله يرحم الملك عبدالله
    والله ما شفنا الفقر الا من بعد مات
    كل شي ارتفع سعره. و المواطن المسكين زادت التزاماته والضغوط عليه

التعليقات مغلقة.